學生沉迷打機怎麽辦？ IB專家：要了解背後動機

踏入教育行業四年，我們中心除了致力幫助IB學生提高考試成績，另一個角色，就是充當家長和仔女的橋樑。最常聽到嘅就係：

有啲說話 ，我講佢一定唔聽架，係要你地講佢知，就會OK囉，我講佢一定會當耳邊風，話我唔識IB嘅野，不過千奇唔好話係我嘅意見 。

我地發現當IB學童年紀越大，大約到了Year 9 -10的時候，和父母的關係都開始有些許改變。仔女不再對爸媽言聽計從，開始有自己的意見。 其中一個家長最常遇到嘅問題就係兒子沉迷打機，家長屢勸不聽。

好多家長嘗試了各種方法，結論都係：勸極都唔聽。甚至有啲比較極端嘅個案係原本係學校成績名列前矛，由於最後IB兩年沉迷了打機，搞到IB唔合格，連大學都上唔到。

這類學生，不能只靠補習就能改善成績。因為補習只可以教導佢概念，考試題型，但係學生在家中反覆練習都非常重要，尤其一些需要考記憶的科目，沒有動力的學生好難考得好成績。

有見及此，HKExcel特別邀請了這類學生參加我地嘅Study Skill課程，透過激勵學生，同佢地一起尋找讀書嘅動力和教佢地讀書嘅方法，希望可以從另一個角度幫助到學生。

首先對沉迷打機嘅學生，千奇唔好Judge 先，我地唔會好似家長那樣叫佢：「一定唔可以打機！」，反而我地會著手動機，我地會問：點解你鍾意打機？通常喜歡打機嘅學生，尤其日打夜打果啲，如果你細問，佢地可能係班上機動遊戲界數一數二，備受尊崇，甚至有些更曾和職業選手較勁，贏取勝仗。

所以，你會明白，學生為何會沉迷於此，因為他們找到了成功感，而且好多遊戲現在是國際競賽的，例如近期最HIT嘅足球遊戲FIFA ，其實技術含量可能比讀書更加困難，與高手過招，不斷進步，贏了更可以炫耀，如果將這動力放在讀書上，把每個測驗都當係和高手較勁，其實學生一樣可以考得好。

當然，和學生訂立目標，同埋一起找尋讀書內在嘅動機，都需要深入傾談和時間，有些學生可能會諗賺錢，有些可能興趣，有些可能是和其他同學比較，等等。但是，如果學生自身唔想改變，我地都黔驢技窮。